کابل ښار کې چاودنې ۶۵ کسانو ته مرگ ژوبله اړولې

comments 0

هندوکش – کابل: نن سهار شپږ بجې او پنځوس دقيقې د کابل ښار په  دريمه حوزه مې ځانمرګي بريدګر يو وار بیا د ملکيانو وينې تويي کړې.

د کورنیو چارو وزارت د وياند مرستيال نجيب دانش وايي چې پيښه کابل پوهنتون ته څيرمه شوې.

نوموړی وايي چې په بريد کې د کانونو وزارت مامورین او پر لاره روان ملکيان په نښه شوي دي.

په دې بريد کې ۲۳ تنه شهيدان شوي، ۴۲ ټپيان شوي  چې ټول ملکي وګړي دي.

د بريد د شدت له امله د ډيرو کورونو او هټيو ښيښې هم تويي شوي دي.

طالب ترهګرو د بريد مسولیت پر غاړه اخيستی دی.

په سيمه کې عيني شاهدان وايي چې ګڼه ګوڼه ډيره وه او ټول قربانيان ملکي وګړي دي.

سپوږمۍ پوپلزۍ ـ کابل

Comments

Leave a Reply