هندوکش – ننګرهار: ننګرهار کې د بزګرو لپاره دوه ویشت نیم میلیونه ډالر ځانګړي شوي چې د کوکنارو بدیل کښت ورته برابر کړي.
دا پروګرام چې تېره ورځ یې پرانیسته وشوه، د ننګرهار په هغو ولسوالیو کې تطبیق کیږي چې داعش پکې قدم وهلی.
د پروګرام د پرانیستې مراسمو کې د نشه یي توکو سره د مبارزې وزارت وویل، د کوکنارو له کښت وړاندې یې په څلور زره هکتاره ځمکه د کوکنارو د کښت مخه نیولې.
دا پروژې د ننګرهار، په روداتو، چپرهار، اچین، کوټ، خوږیاڼو او شیرزادو ولسوالیو کې تطبیق کیږي چې دوه کاله به دوام وکړي او نږدې دوه زره کسانو ته به کاري زمینه هم برابره شي.
فرهاد شهراني