لوګر کې دملي امنیت پر یوه ریاست دبرید طراح ووژل شو

comments 0

هندوکش – کابل: د کورنیو چارو وزارت نه په خپور شوي اعلامیې کې راغلي چې په کابل کې د ملی امنیت په یوه ریاست د تیر کال برید طراح ووژل شو.
اعلامیه کې راغلي چې: درياخان مشهور په خالد، تېره شپه د لوګر ولايت د مرکز پُل علم په مربوطاتو کې د پوليسو د خاصو قطعو په عملياتو کې وژل شوى دى.
خبر زیاتوي چې، دغو عملیاتو کې د درياخان تر څنګ د حقاني شبکې درې نور قوماندانان هم وژل شوي دي.
اعلامیې کې زیاته شوې چې، دغو کسانو په لوګر او ورڅېرمه ولايتونو کې د انتحاري حملو په پلانولو او تنظيم کې لاس درلود.
یاده دې وي چې په کابل کې د ملي امنيت ادارې اړوند د رجال برجسته ادارې پر ساتونکو دغه حمله د تېر لمريز کال د وري يا حملې پر ٣١ مه شوې وه.
تردې دمه په دې اړه ملي امنیت اداره او طالبا وسله والې ډلې څه نه دي ویلي.
سپوږمۍ پوپلزې

Comments

Leave a Reply