د لغمان چارواکي وايي، په دغه ولایت کې د امنيتي ځواکونو له‎خوا په ځانګړو عملياتو کې 8 تنو وسله‎والو مخالفینو ته مرګ ژوبله اوښتې ده.
د لغمان ولایت د والي ویاند ښاغلي سرحدي ځواک نن دوشنبه رسنيو ته وویل چې په دغو عملیاتو کې چې نن سهار د لغمان په مرکز او الینګار ولسوالۍ کې پیل شوي، تر دې مهاله په‌کې 5 وسله‎وال مخالفین وژل شوي او 3 تنه نور ټپيان شوي دي.
ښاغلي ځواک زیاتوی چې د عملیاتو پر مهال 2 تنه پولیس هم ټپيان شوي چې روغتيايي وضعیت‎يې د ډاډ وړ دی.
تر اوسه پدی اړه د وسله‎والو طالبانو ویاند د یاد شوی عملياتو په تړاو رسنیو ته څه نه‌دي ویلي.