فراه کې ترافیکي پیښې 43 کسانوته مرګ ژوبله اړولې ده

comments 0

هندوکش – فراه: د فراه ولایت ځایي چارواکي وایي، چی تیره ورځ د بکواه ولسوالۍ په پوزک سیمه کې د یوه ۴۰۴ موټر او ټیلر ترمنځ ټکر شوی، چې له امله یې ۴۳ کسانو ته مرګ ژوبله اوښتې.
د فراه د والي ویاند محب الله محب رسنیو ته ویلي، پیښه د موټر چلوونکو د بې احتیاطۍ له امله رامنځته شوې ده .
نوموړی وایي، په دغه پیښه کې ۱۴ تنه مړه شوي چې درۍ ښځې او دوه ماشومان هم په کې شامل دي.
په پیښه کې نهه ویشت کسان ټپیان دي چې د ګڼو یې روغتیايي حالت د اندیښنې وړ ښوودل شوی.
محب وایي ، ۱۴ تنه ټپیان د کندهار روغتون ته لیږدول شوي او پاتې نور یې هرات ته استولي دي.
امیر حسین سلجوقي

Comments