هندوکش – روسیه: تاس خبري آژانس نه په خپور شوي خبر کې راغلي چې د روسي چارواکو هڅې روانې دي ترڅو افغانستان لپاره د تماس د ډلې فعالیت بیا پیل کړي.
د روسېې بهرنیو چارو وزیر یوې غونډې ته وویل چې، مسکو به د راتلونکې اکتوبر په یوولسمه د افغانستان د تماس د ډلې کوربه وي.
ویل کیږي چې د تماس ډلې دنده افغانستان لپاره د سیمې هیوادو همغږي پیدا کول دي چې د شنګهاې د همکاریو ټولنه یې کوربه توب کوي.
د سرګي لاوروف په وینا، روسیې تل د افغانستان د شخړې د پای ته رسېدو او د افغانانو په مشرۍ د پخلاینې ملاتړ کړی دی.
اتکل کیږي چې یادې غونډې کې د څه باندې ۵۰ هیوادونو استازي شامل دي.
د یادونې وړ دې چې افغانستان کې د امریکا پراخ شتون روسیه نشي زغملاې نو له همدې امله روسیه په دې هڅې کې دې چې افغانستان سره خپلې اړیکې تینګې کړي.
محمد امان دوران