د نړۍ تر ټولو ټیټه ښځه

comments 0

په نړۍ کې تر ټولو ټیټه ښځه جيوتي کسانجي نومېږي چې د هند د ناګپور اوسیدونکې ده.
کسانجي ۲۷ کلنه ده او په ونه په نړۍ کې تر ټولو ټیټه ښځه ده.
د جيوتي نوم په ۲۰۱۱ کال د ريکارډونو په نړيوال کتاب (ګینس) کې هم ثبت شوی چې د نړۍ تر ټولو ټيټ قد لري.
د هغې ونه ٢ فوټه يا ٦١ اعشاريه ٩٥ سانتي متره ده، او وزن یې ٥ اعشاريه ٤ کیلو دى.
د جیوتي کسانجي مور رنجنا وايي چې تر پنځه کلونو پورې يې د لور قد سم وو، خو له هغې وروسته د يوې ناروغي له امله په یو حالت پاتې شوه.
هغه په ٢٠٠٩ کال کې ډېره مشهوره شوه هغه وخت چې په لومړي ځل په ټلويزيون کې راښکاره شوه.
د ګینس د ریکارډونو په کتاب کې ادعا شوې ده چې د دې ښځې وزن ٥ اعشاريه ٤ کیلو دى. له زېږېدو وروسته يې يوازې ٤ کیلو وزن زيات شوى دى.
په ٢٠١١ کال کې چې کله د دې نوم په ګینس کې ثبت شوى، ویې ویل چې د دې ريکارډ له ترلاسه کولو وروسته خوشحاله ده، ځکه اوس د خپل ځان په اهميت پوه شوه.

Comments