هندوکش ـ کلات: د زابل په شاه جوی ولسوالۍ کې په نښته کې پنځه طالبان وژل شوي دي.
د شاجوی ولسوال وزیرمحمد جوادي  هندوکش ته وويل:« د پولیسو او طالبانو تر منځ نښته تیره ورځ د یادې ولسوالۍ په لالي کلي کې شوې ده.»
د جوادي په خبره:« په دې نښته کې پنځه طالبان وژل شوي او د وژل شویو طالبانو جسدونه هم د جګړې په ډګر پاتې دي.»

ياده دې وي چې طالبانو په تیرو دریو ورځو کې په زابل کې د پيل شویو عملياتو په لړ  کې درنه مرګ ژوبله لیدلې.

تر دې مه د طالبانو رسمي سرچینو په  دې تړاو رسنیو ته څه نه دي ویلي.

بلخوا د زابل خلک وايي چې په  دې ولايت کې عملیات بايد جدي شي.

د شاه جوی خلک وايي چې اوس اوس لویه لاره هم امن شوې ځکه پيل شوي عملیات ډير ګټور وو.

وحیدالله توخی ـ کلات