د بایډن د لوړې په درشل کې د نورو وسله والو اعتراضونو خبردارى ورکړل شو

comments 0

هندوکش ــ امریکا: امریکايي چارواکو د منتخب ولسمشر جوبایډن د لوړې په درشل کې د ټول هېواد په کچه د نورو وسله والو اعتراضونو د احتمال په اړه خبرداری ورکړی.
د امریکا د تحقیقاتو فدرال ادارې پرون په یوه بیان کې چې رسنیو ترلاسه کړی، ویلي چې د امریکا په واړه پنځوسو ایالتونو کې د ایالتي کانګرسونو او په واشنګټن کې د کانګرس پر ودانیو د وسله والو اعتراضونو پلانونه جوړ شوي دي.
له پلازمېنې واشنګټن ډي سي پرته د امریکا په ډېری ایالتونو کې د وسلو ګرځول آزاد دي او قانوني ممانعت نه لري.
د ايف بي اى بیان زیاتوي، چې دا اعتراضونه ښايي د روانې جنوري د ۱۶ مې او شلمې ترمنځ ورځو کې وشي.
د ولسمشر ډونالډټرمپ پلویانو تېره اونۍ د کانګرس پر ودانۍ برید وکړ چې په پایله کې یې پنځه کسان ووژل شول.
فکور نعیمي

Comments