حوثیانو پر سعودي یوځل بیا توغندي توغولي دي

comments 0

هندوکش – سعودي: سعودي رسنیو نه په خبرونو کې راغلي چې تیره ورځ ماښام د سعودی عربستان په پلازمينه رياض كې د درې زورورو چاودنو غږونه اورېدل شوي دي.
د رسنیو په وینا، دا چاودنې د هغو توغنديو وې چې په يمن كې د حوثي جنګياليو لخوا د سعودي عربستان په پلازمېنه رياض توغول شوي دي.
د الاخباريه ټلويزيوني كانال څرګنده كړه چې توغول شوي توغندي د رياض په هوايي حريم كې د سعودي عربستان د هوايي دفاعي سيستم لخوا په هوا كې له منځه وړل شوي دي.
تر اوسه پورې د موضوع په اړه رسمي مقاماتو څه نه دي ويلي.
د سعودي عربستان مقاماتو پخوا ويلي و چې د مارچ د مياشتې په ۲۵مه نېټه په يمن كې د حوثي جنګياليو لخوا پر سعودي باندې د بالستيكي توغنديو بريد شوى و چې د هوايي دفاعي سيستم لخوا محوه شو خو د ځينو چرو له امله يو تن مصري خپل ژوند له لاسه وركړى و.
د یادونې وړ ده چې تردې وړاندې هم حوثي یاغیانو پر سعودي عربستان توغندي توغولي چې له امله یې زیات شمیر خلک وژل شوي دي.
محمد حنیف بیدار

Comments