تېر کال د بالیووډ کومو فلمونو ډېرې پیسې ګټلې وې؟

comments 0

که څه هم د تېر کال له پیله کورونا وبا د چین له ووهان څخه پیل او د نړۍ په ټولو هېوادونو کې په چټکۍ خوره شوه، پر بالیووډ سینما یې هم تاثیرات پرېوتل او د فلمونو لړۍ یې هم بنده کړه.
د کورونا له دې مرګونې څپې سره پر بالیووډ تېر کال هېڅ کوم فلم خپور نه شو او لا هم څوک سینما د تګ په موخه زړه نه ښه کوي.
خو د دې هر څه ترڅنګ بیا هم په تېر ۲۰۲۰ کال کې پنځه داسې فلمونه په انلاین ډول خپاره شول چې د نورو په پرتله یې ډېرې پیسې وګټلې.
هغه ۵ هندي فلمونه چې تېر کال یې ډېرې پېسې ګټلې وې.
تاناجي: دي ان سنګ واریر: دا د اجی دېوګن، کاجل او سېف علي خان فلم و چې د پخوا وخت په یوه کیسه جوړ شوی و.
په دغه فلم کې سېف علي خان منفي کردار لوبولی و، دا فلم خلکو ډېر خوښ کړی و او په باکس افس یې ۳۷۰ کروړه هندي کلدارې پیسې ګټلې وې چې ۳۷۰۰ میلیونه هندي کلدارې کېږي.
دربار: دا فلم د مشهور اداکار رجني کانت دی چې په ۲۰۲۰ کال کې نندارې ته وړاندې شوی او خلکو ډېر خوښ کړی و.
په دغه فلم کې د رجني کانت سره نیانترا او سنیل شیټي هم کار کړی و چې ۲۵۰ کروړه روپۍ یې ګټلې وې.
شب منګل زیاده ساودان: دا فلم د ایوشمان کهرانه او جیتیندر کمار و چې د هلک له هلک سره په مینه او واده کولو باندې جوړ شوی و چې خلکو خوښ کړ.
دې فلم هم ډېرې پېسې وګټلې چې په باليووډ باکس افس باندې یې ۸۶ کروړه روپۍ جوړې کړې، د فلم مصارف هم ډېر نه و.
چپاک: د مشهورې اداکارې دپیکا پاډوکون دا فلم د یوې داسې نجلۍ په ژوند جوړ شوی و چې په مخ یې تېزاب شیندل شوي وي.
په کم مصرف جوړ شوی دا فلم خلکو ډېر خوښ کړ او ۵۴ کروړه روپۍ یې هم وګټلې.
تپړ: د ښځې او خاوند ترمنځ په کیسه جوړ شوی دا فلم هم خلکو ډېر خوښ کړ.
په دې فلم کې تاپسي پنو مرکزي کردار لوبولی و چې ۴۴ کروړه روپۍ ګټلې وې.
دا په داسې حال کې ده چې لا هم هندوستان کې د کورونا ناروغي په شدت کې ده، خو بیا هم دې وروستیو کې ځینو مشهورو اداکارانو د کورونا د احتیاطي تدابیرو په نظر کې نیولو سره پر نویو فلمونو کار پیل کړی او ښایي نندارې ته وړاندې شي.
هندوکش

Comments