باجوه وايي د افغان سولې لپاره روانې هلې ځلې هیله بښونکې دي

comments 0

هندوکش – پاکستان: د پاکستان د پوځ مشر جنرال قمر جاوید باجوه پوځ ته د خبرو پر مهال ویلي، چې دوی د افغانستان سولې ته ژمن دي او په دې برخه کې هلې ځلې روانې دي.
دده په خبره د عمل پلان له مخې پاکستان د افغانستان د سولې په راتګ او خبرو ته د زمینې برابرولو هڅه روانه ساتي او دا لړۍ د قناعت وړ ده.
نوموړي همدا راز پوځ ته سپارښتنه کړې چې د ترهګرۍ ضد مبارزه جدي کړي او وسله والې ډلې له منځه یوسي. ده په ټاکنو کې د امنیت لپاره د پوځ له هڅو مننه کړې ده.
پاکستان داسې مهال د افغان سولې په رخه کې د مرستو او هڅو د ترسره کولو خبره کوي، چې ډېری سیاسي شنونکي او د افغانستان د چارو څارونکي دغه هېواد په دوه مخی تورنوي.
ددوی په باور پاکستان له یوې خوا د سولې د ملاتړ خبره کوي خو له بلې خوا عملا د ترهګرو ډلو ملاتړ کوي او دوی په افغانستان کې جګړې ته هڅوي.
سرچینه : خبریال

Comments