افغان کرکټ بورډ د ۱۹کلنو کم عمره نړیوال جام ته لوبډله اعلان کړه

comments 0

هندوکش ــ کابل: افغان کرکټ بورډ د راتلونکي ۱۹ کلونو کم عمره ځوانانو نړیوال جام ته د فرهان زاخېل په لوبډلمشرۍ تر ۱۹ کلونو کم عمره ۱۵ کسیزه افغان لوبډله اعلا کړه.
د افغانستان د کرکټ بورډ ویاند فرید هوتک وویل چې افغان لوبډله د غوراوي کمېټې لخوا د لوبغاړو لیاقت او وړتیا ته په کتو غوره شوې ده.
د یو ورځنیو لوبو دغه نړیوال جام په سویلي افریقا کې تر سره کېږي.
فرید هوتک زیاته کړه، چې د افغانستان ۱۹ کلنو کم عمره ځوانانو ۱۵ کسيزه نوملړ کې لاندې کسان شامل دي.
“فرهان زاخېل (لوبډلمشر)، صديق اتل، رحمن الله ځدراڼ، ابراهيم ځدراڼ، اسحاق محمدي، نور احمد، شفيق الله غفاري، جمشېد مير علي خېل، عبدالرحمن، عابد تڼی، فضل حق، عمران مير، ظهېب زمانخېل، اصف موسی زی او عابد محمدي.”
هغه وویل، چې د ۱۹ کلنو کم عمره ځوانانو نړيوال جام د ۲۰۲۰ کال د جنورۍ په ۱۷مه نېټه په سویلي افریقا کې پيلېږي چې د فبرورۍ تر ۹مې نېټې پورې به دوام ولري.
سپوږمۍ پوپلزۍ

Comments