افغانستان کې د کورنا پېښې له اوو، لسو ته لوړې شوي دي

comments 0

هندوکش ــ کابل: د روغتیا وزارت وايي، په افغانستان کې یې د کورونا ۳ نورې مثبتې پېښې هم ثبت کړې دي.
تر دې وړاندې ۵ پېښې په هرات او ۲ په سمنګانو کې مثبتې ثبت شوې وې، خو اوس د روغتیا وزارت ویاند وحید الله مایار وویل، چې درې نورې پېښې هم ثبت شوې دي او په دې سره په افغانستان کې د کورونا د ناروغانو شمېر ۱۰ تنو ته ورسېد.
د ښاغلي مایار په خبره دا درې نوې پېښې په بلخ، کاپيسا او سمنګان کې تشخیص شوې دي: (( په نوي حساب سره موږ د کورونا ۵ پېښې په هرات، ۳ په سمنګانن او په بلخ و کاپيسا کې یوه یوه مثبته پېښه لرو.))
د نوموړي په خبره دا مهال ۵۲ مشکوکې پېښې نورې هم تر څېړنو لاندې دي چې نتیه به یې په راتلونکو ۲۴ ساعتونو کې روښانه شي.
افغانستان ته د کورونا ناروغي له ایرانه راخپره شوې ده چې تراوسه یې د مشکوکو پېښو شمېر له ۲۰۰ څخه اوښتی دی.
عبید رادپور

Comments