افغانستان له ترانزیتي انحصار نه وتلو په حال کې ده

comments 0

هندوکش – کابل: د افغان ولسمشر محمد اشرف غني تر حلو ځلو وروسته افغان حکومت وتوانیده چې د ریل پټلۍ له لارې خپل ترانزیت پیاوړې کړي.
د افغانستان ټولګټو وزارت وایي چې: خواز ریل پټلۍ دریم فاز بشپړ شوی او په نږدې ورځو کې به د هرات او ایران ترمنځ د ریل ټرانزیټ پيل شي.
د هرات خواف ریل پټلۍ افغانستان د ایران له لارې له ترکیې،اروپایي او خلیجي هیوادونو او ایران بیا په افغان ځمکه له منځنۍ اسیا او چین سره نښلوي.
نوموړې ریل پټلۍ سره به افغانستان د ایران بندر عباس او چابهار بندر له لارې له ترکیې،ختیځې اروپا او عربي هیوادونو سره د ریل پټلۍ،اوبو او وچې ټرانزیټ لارې پیدا کړي.
د رېل پټلۍ ګټې یواځې تر افغانستان محدودې نه دي ، افغان خاوره ایران ته غوړیدلې څو خپل توکي ترمنځنۍ اسیا او چین ورسوی.
اقتصادي شنونکي په دې باور دي چې اوس افغانستان ټرانزیټي انحصار مات کړی او له هند سره د هوایي دهلیز ترڅنګ له ترکمنستان،چین او ایران سره د اورګاډي پټلۍ لري.
دا په داسې حال کې ده چې تردې مخکې د افغان حکومت یواځینې ترانزیتي لاره له پاکستان لارې وه چې افغان حکومت په دې وتوانیده چې دغه انحصار مات کړي.
سپوژمې پوپلزې

Comments

Leave a Reply