اروپایي ټولنه: اوس د جګړې وخت نه د باور رامنځته کولو وخت دې

comments 0

هندوکش – کابل: د اروپايي ټولنې استازي رولاند کوبیا پر خپل ټویټر لیکلي: “که چیري د طالبانو لخوا د بریدونو پیلېدل تائید شي،دا به د هغه تړون له روحیې خلاف وي چې په دوحه کې لاسلیک شو، دا د دې وخت نه دی، بلکې د باور رامنځته کولو مرحله ده چې په رغنده ډول پر مخ ځي.”
په افغانستان کې د ملګرو ملتونو مرستندویه دفتر یا «یوناما» هم «بین الافغاني» خبرو ته د زمینې برابرېدو په هدف د اور کم مودې غځېدو غوښتنه کړې ده.
یوناما تیره ورځ په دې اړه پر خپل فېسبوک لیکلي: “د طالبانو د نظامي عملیاتو د بیا پیل کیدو په تړاو له رپوټونو وروسته، ملګري ملتونه د اور کم د دوام غوښتنه کوي، ترڅو د بین الافغاني خبرو اترو د پیل لپاره مناسب چاپیریال ته زمینه برابر شي چې دا چاره بیا د دایمي اوربند او دوامداره سیاسي جوړجاړی لامل شي.”
پر همدې مهال د افغانستان د کورنیو چارو وزارت یوې سرچینې ویلي چې د تېرې شپې راپدېخوا په څو ولایتونو کې طالبانو پر افغان امنیتي ځواکونو بریدونه کړي چې مرګ ژوبله هم لري.
دا په داسې حال کې ده چې د امریکا د دفاع وزیر مارک اسپر او په افغانسان کې د ناټو عمومي قوماندان سکاټ میلر هم په دغه هیواد کې د طالبانو لخوا د اورکم مودې د پاتې کېدو غوښتنه کړې ده.
اسپر ویلي چې د اورکم غځېدل به د بین الافغاني خبرو لامل شي او تلپاتې سولې ته به زمینه برابره کړي.
سکاټ میلر بیا ویلي چې دوی خپلو مکلفیتونو ته جدي دي او طالبان هم باید خپل مسؤلیتونو ته جدي وه اوسي.
سپوږمۍ پوپلزۍ

Comments