ارزګان کې یو کس په خپلې کورنۍ برید کړی

comments 0

هندوکش – ارزګان: راپورونه وایي، په ارزګان کې یو تن د خپلې کورنۍ دریو غړو ته مرګ ژوبله اړولې.
د ارزګان ولایت د مرکز ترینکوټ اړوند په دور افشان سیمه کي د موسی کلیم په نوم یو ځوان خپله یوه خور وژلې؛ یو بله خور او مور یې سختې ټپيانې کړي دي.
د ارزګان د والي ویاند دوست محمد نایاب وايي پېښه د کورني تاوتریخوالي په پایله کې رامنځ ته شوې ده .
نوموړی وایي پېښه تېره ورځ نا وخته رامنځ ته شوې او مجرم کس ځکه نه دی نیول شوی چي سیمه پر سیمه طالبان حاکمیت لري.
عمران احمدزې

Comments