چین، افغانستان، پاکستان او نیپال ترمنځ څلور اړخیزه غونډه ترسره شوه

comments 0

535 Views

هندوکش – کابل: د افغانستان د بهرنیو چارو وزارت ویاند ګران هېواد په یوه ویډیویي پیغام کې رسنیو ته ویلي چې د یادو هېوادونو دغو لوړپوړو چارواکو د ملګرو ملتونو د امنیت شورا پرېکړه‌لیک ته په پام سره پر دې ټینګار وکړ چې د دوی مرستې به هغه مهال لا اغېزمنې تمامي شي او ټولو ځپل شویو کسانو ته به ورسېږي چې په افغانستان کې اوربند ټینګ شي.
هغه زیاته کړه: “د اغېزمنو صحي همکاریو په هکله او په دې اړه چې له کرونا ویروس سره باید اغېزمنه مبارزه وشي دوی زیاته کړه چې دا کار تر هغو ناشونی دی چې بشر دوستانه اوربند نه‌وي ټینګ شوی. دوی له طالبانو وغوښتل چې بشردوستانه اوربند ټینګ او د افغانستان له حکومت سره د سولې خبرو ته اماده شي.”
ښاغلي هېواد د یادو هېوادونو د بهرنیو چارو وزیرانو له قوله وویل چې هغوی په بېلابېلو برخو په ځانګړي ډول د کرونا ویروس پر ضد د مبارزې په برخه کې د سیمه‌ییزې همکارۍ پر دوام ټینګار وکړ.
چین له هغو هېوادونو دی چې د نړۍ د نورو هېوادونو ترڅنګ د کرونا ویروس پر ضد د واکسین جوړولو چارو ته دوام ورکوي. دغه هېواد له افغانستان سره ژمنه وکړه چې د واکسین د بریالیتوب په صورت کې به افغانستان د خپلو همکاریو په لومړیتوب کې ولري.
سپوږمۍ پوپلزۍ

Share this page to Telegram

Comments