وسلوالو طالبانو ځاځي اریوب کې ۵ ماشومانو ته مرګ ژوبله اړولې

comments 0

198 Views

هندوکش ـ پکتیا: د پکتیا ولایت په اریوب ځاځيو ولسوالۍ کې د طالبانو له لوري، ځاي پر ځای شوي ماین، یو ماشوم شهید کړی او څلور نور یې ټپيان کړي دي.
د امنیه قومندانۍ د رسنیو له دفتر څخه په خپره شوې خبرپاڼه کې ویل شوي، چې پرون له غرمې وړاندې شاوخوا ۱۰بجې د اریوب ځاځيو ولسوالۍ په اړوند سیمه کې د طالبانو ځای پر ځای شوي ماین پر ماشومانو چاودنه کړې، چې یو ماشوم یې شهید کړی او څلور یې ټپیان کړي دي.
په خبر پاڼه کې ویل شوي، چې د پېښې ټول قربانیان د پولیسو له لوري روغتون ته انتقال شوي، چې د دوه ماشومانو روغتیائي حالت نازک ښودل شوی.
دا په داسې حال کې ده چې وسلوالو طالبانو په دې وروستو کې د ماینونو تکتیک غوره کړی چې دې پېښې ټول قربانیان هم ملکي وګړي دي.
طالبانو په دې اړه رسنیو ته څه نه دي ویلي.
عمران احمدزی

Share this page to Telegram

Comments