مینه / عزت الله اکبري

comments 0

0 Views

لوی جوهر دی هر انسان ته پاکه مینه
ستر عزت او عالي شان دی پاکه مینه
لوی څښتن مې په لویۍ کې مینه و کړه
لوی صفت د لوی سبحان دی پاکه مینه
دا نړۍ د پاکې مینې نه پیدا شوه
د جهان د مینې مور ده پاکه مینه
لوی جوهر د انسانیت په محور ګرځي
د انسان د ژوند مدار دی پاکه مینه
اکبري په مینه ناکو خدای مین کړم
لوی سرمشق او هم ایمان مې پاکه مینه

Share this page to Telegram

Comments