لڼډ غزل / مصطفی آرین

comments 0

0 Views

زه مې غزل په روايت او تكبير جوړوم
څومره په خيال يې ټولوم څه په تدبير جوړوم

مـــا ورته درس د قصيدې د پخيدو وركړى
بس دى نورځم له دې موريد زړه نه مې پير جوړوم

خود به د سيمې ښاپيرئ راته سلام ته راځي
چې د خوبونو له تعبير ځينې تصوير جوړوم

دا زمانه ده ما نه دا له تانه دا غواړي بس
تاله جانانه زولنې ځان ته ځنځير جوړوم

ستا نو څه خيال دى گڼې روح د آرين بيا نه راځي?
زه يې له روح نه د اووم آسمان سفير جوړوم

Share this page to Telegram

Comments