غزل / پوهنمل محمد وارث

comments 0

0 Views

په سپرلي کې هم له بڼه ګلان تښتي
بې له شکه له خزان بلبلان تښتي

دلونګو بو ټي چا کړه له نظره
ځکه اوس خو نیمه خوا شو باغوان تښتي

په هنر او تدبیر کله راستنیږي
دا قانون دی چې به روح له انسان تښتي

چې له خټې غیرتي وي پیدا شوی
چا ویلې چې له جنګه افغان تښتي

مونږ دوخت په انتظار سرونه سپین کړه
امیدونه خو زما په ګومان تښتي

که د مینې کر دې وکړ ای (وارثه )
نفرتونه به د هر چا له ځان تښتي

Share this page to Telegram

Comments