عصمت الله څاروان / عبدالله احسان

comments 0

1 Views

ښاغلی عصمت الله څاروان د کندز ولايت په چهاردرې ولسوالۍ کې زيږيدلی دی .دوي خپلې لومړنۍ زده کړي د کندز په ولايت کې کړي دي
ښاغلی عصمت الله څاروان د کندز ولايت په چهاردرې ولسوالۍ کې زيږيدلی دی .
دوي خپلې لومړنۍ زده کړي د کندز په ولايت کې کړي دي ، دولسم ټولګی يې د کابل له غازي ليسې او د لسانس سند يې د پېښور له پوهنتونه ترلاسه کړی دی .
عصمت الله څاروان ډير کلونه په پېښور کې د هيواد په اوونيزه کې د مرستيال چلونکي دنده ترسره کړه ، ورپسې يې د ايران په تهران راديو کې کار کاوۀ . اوس د چيک جمهوريت په پلازمېنه پراګ کې له ازادۍ راديو سره په کار بوخت دی .
ښاغلي څاروان ډيرې ژباړې کړي او ګن شمير کتابونه يې چاپ شوي دي .
د دوی انګليسي پښتو جيبي ډکشنري چې په ١٩٩٠ کال کې په لومړي ځل چاپ شوې وه تر اوسه څو ځلې په بيا بيا چاپ شوې ده .
دغه راز ځينې کيسې او د انګريزي ژبلوست کتابونه يې په پېښور کې چاپ شوي دي . دوی د نژدې ١٠٠ زرو انګريزي پښتو پر ډکشنرۍ هم کار بشپړ کړی چې لا چاپ شوې نه ده .
ښاغلي څاروان يو ناول هم له انګريزي پښتو ته ژباړلی چې په لنډ وخت کې چاپيدونکی دی .
د دوی چاپ شوي کتابونه په دې ډول دي :
١ : انګليسي پښتو جيبي ډکشنري
٢ : نوی ميتود ، انګليسي ګرامر
٣ : انګليسي معلم
٤ : د لقمان حکيم کيسې
٥ :د بهلول دانا کيسې
٦ : خطونه سرخطونه
٧ : پښتو اينډ انګليش فريز بوک ( انګليسي ژبه نيويارک چاپ )
٨ : دري انګليسي فريز بوک ( انګليسي ژبه په نيويارک کې چاپ )

Share this page to Telegram

Comments