طالبان؛ هغه څه چې خلکو ته غواړي، ځانته یې نه غواړي / عبدالمنان توحیدیار

comments 0

1 Views

شل کاله مخکې چې د طالبانو واکمني وه، هغه څه به یې چې د خلکو لپاره غوښتل د ځان لپاره یې نه غوښتل، لامل دا و چې طالبانو هغه څه چې په ځآن نه شو تطبیق کولی، پر خلکو به یې یا تطبیق کول او یا به یې د تطبیق کولو هڅه کوله.
مثلا د امر بالمعروف او نهی عن المنکر ډلې به خلک د موسیقې اوریدو ته نه پریښودل او بیلابیل سزاګانې به یې ورکولې، خو خپله به یې موسیقي اوریدله او هغه کیسټې به یې چې له خلکو راټولولې، هغه به یې خپلو ټيپونو کې اوریدلې.
دا یوه بیلګه وه چې ما وړاندې کړه، داسې زرګونه بیلګې شته چې طالبانو به پر خلکو تطبیق کول، خو خپله یې پر ځآن نه شوې تطبیق کولی.
لکه لواطت،
د طالبانو واکمنۍ او له هغې وروسته لسګونه کسان د لواطت په جرم یا وژل شوي او یا یې سخته سزا لیدلي، خو د طالبانو ټولو ادارو او مرکزونو کې هغه وخت او اوس هم لواطت عادي خبره ده او هیڅ یې جرم، ګنا او عیب نه ګڼي.
دا خبره او دا مقدمه مې د څه لپاره ولیکله.
تازه د پاکستان استخباراتو د طالبانو د مذاکراتي ډلې د مشر انځورونه له مالوماتو سره خپاره کړي چې عایشه حکیم د پاکستان په یو پوهنتون کې موډلنګ ویلی او له یوې کمپنې سره د موډلنګ دنده لري.
طالبانو به خپله واکمنۍ کې په افغانستان کې د نجونو ښوونځیو ته اجازه نه ورکوله، خو خپلې لورګانو باندې یې ان غیرې اسلامي زده کړې کړي چې نه زموږ کلتور او نه اسلام سره اړخ لګوي.
داسې به تاسو د طالبانو د نورو مشرانو لورګانې لیدلي وي چې د نړۍ بهترینه پوهنتونونو کې زده کړې کوي او یا به یې زده کړې بشپړې کړي وي.
خو افغانان حتی اجازه نه لري چې په ښوونځي کې زده کړې وکړي، هلک یا نجلۍ یو ټولګې زده کړې وکړي، حتا طالبان ښوونځي سوځوي، ورانوي یې، د جوړیدو مخه یې نیسي او بیا دې ته د جهاد او اسلام نوم ورکوي.
له پاکستان سره د ټولو طالب مشرانو او قومندانانو داسې اسناد شته چې کولی شي هر کله یې پرې وډار کړي.
که هر طالب مشر او قومندان د پاکستان د ګټو خلاف اقدام وکړ، دا ټول بلک میل شوي او یو یو پسې به داسې اسناد او مالومات خپروي.
تراوسه هیڅوک خبر نه و، حتی طالبان خبر نه و چې د مولوي عبدالحکیم مجاهد لور موډلنګ ویلی او د پاکستان له یوې کمپنۍ سره د موډلنګ برخه کې دنده لري، خو دا چې اوس د پاکستان استخباراتو دا موضوع ډاګیزه کړه، حتما تر شا کومه قضیه لري.
طالب اسلام یواځې د خپلو شخصي ګټو لپاره کاروي او بل هیڅ هدف نشته، هغه څه چې اسلام کې نشته، هغه کارونه خپله کوي، خو پر خلکو هغه څه تطبیق کوي چې اسلام یې د اسانه لارو اجازه هم ورکړې، خو طالب یې سختې لارې لټوي چې خلک په ژوند کې تنګ کړي.
تاسو به داسې ډيرې نجونې وګورئ چې د طالب مشرانو د کورنۍ به وي او په نیمه لوڅ لباس کې به نړۍ کې راښکاره شي، طالب دین او جهاد د وسیلې لپاره کارولی او کاروي یې، نور هیڅ کیسه کې نه دی.

Share this page to Telegram

Comments