شپږیزه: مس عینک بند امیر ته په یوه منډه ماتې ورکړه

comments 0

2 Views

هندوکش ــ کابل: د افغانستان د کورني کرېکټ (شپږیزه) لیګ د اووم پړاو سیالۍ نن په کابل کې پیل شوې. په لومړۍ لوبه کې نن د مس عینک لوبډلې بند امیر ته په یوازې یوه منډه ماتې ورکړه.
د نن لوبې پچه بند امیر وګټله او مس عینک ته یې لومړی د منډو جوړولو بلنه ورکړه.
د مس عینک لوبډلې د مندو پیل ښه نه و او نجیب ترکی په صفر وسوځېد، خو اوپنر ملګری یې محمد شهزاد پر وېکټه ودېد او ۵۴ منډې یې جوړې کړې.
د مس عینک لپاره همدا راز حشمت الله شهیدي ۶۵ او غمي ځدراڼ ۳۰ منډې وکړې.
په پای کې مس عینک لوبډلې خپلو ۲۰ اورونو کې په ۷ وېکټو ۱۷۹ منډې وکړې.
په ځواب کې د بند امیر لوبډلې د منډو پیل ښه و، او عثمان غني او حضرت الله ځاځي د لومړۍ وېکټې لپاره د ۵۸ منډو ملګرتیا وکړه.
محمد شهزاد مسن عینک لپاره ۵۴ منډې وکړې، خو اوپنر ملګری یې نجیب ترکی په صفر وسوځېد
حضرت الله په ۲۴ منډو وسوځېد، خو ملګری یې عثمان غني تر ډېره پر وېکټه پاتې شو او ۷۹ منډې یې وکړې.
د بند امیر لوبډلې کپتان اضغر افغان هم ۴۵ منډې وکړې.
د لوبې د پای شېبې په زړه پورې وې، او د وروستي اوور په وروستي توپ بند امیر شپږ منډې پکار وې.
خو شرف الدین اشرف څلوریزه ووهله او په دې توګه مس عینک لوبډلې دا لوبه په یوازې یوه منډه وګټله.
حشمت الله شهیدي د خپلې ښې توپ وهنې له کبله د لوبې غوره لوبغاړی وبلل شو.
سپوږمۍ پوپلزۍ

Share this page to Telegram

Comments