رادمنش: طالبانو لا هم د خلکو کورونه د سنګر په توګه کاروي

comments 0

0 Views

هندوکش – کابل: د پنټاګون وروستی راپور ښيي چې په افغانستان کې هوایي بریدونه درې چنده زیات شوي چې ورسره سم د ملکي وګړو په مرګ ژوبله کې هم زیاتوالی راغلی.
له دې سره د ملي دفاع وزارت وایي، د بریدونو په زیاتوالي سره طالبانو ته هم درانه زیانونه اووښتي چې دا ډله یې له پښو غورځولې.
د ملي دفاع وزارت ویاند محمد رادمنش وایي، د ملکي خلکو تلفات ځکه لوړ شوي چې وسله والې ډلې د خلکو له کورونو د سنګر کار اخلي.
د رادمنش په خبره، د بهرنیو ځواکونو هوایي بریدونه له دوی سره په همغږي کیږي او د ملکي وګړو د مرګ ژوبلې مسوولیت پر وسله والو ډلو دی.
دفاع وزارت د بهرنیو ځواکونو هوایي بریدونه اغیزناک بولي او باور لري چې په دې سره یې طالبان له لښکر کشی ویستلي او هیڅ ځای غونډې نه شي جوړولی.
سپوږمۍ پوپلزۍ

Share this page to Telegram

Comments