د ناټو سر منشي: د ټاکنو کمیسیون دې د رایو بیا شمېرنې بهیر بشپړ او پایلې دې اعلان کړي

comments 0

18 Views

هندوکش ــ کابل: د ناټو تړون عمومي منشي په افغانستان کې د ډیموکراتیک حق ترلاسه کولو لپاره په تېرو ولسمشریزو ټاکنو کې د خلکو ګډون ستایلی او ویلي یې دي چې دوی هېڅکله په ټاکنو کې مداخله نه کوي.
د ناټو عمومي منشي ینس سټولټنبرګ پرون، د نومبر په ۲۰مه، خبریالانو ته په افغانستان کې د ټاکنو په تړاو د روانو لانجو په اړه وویل چې دوی له افغانستان سره همکارۍ ته متعهد دي، د ټاکنو لپاره یې د امنیت په تامین کې همکاري کړې خو په ټاکنیزو چارو کې لاسوهنه نه شي کولای.
ښاغلي سټولټنبرګ دا مهمه وګڼله چې انتخاباتي کمېسونونه د رأیو د تفتیش او بیا شمېرنې بهیر بشپړ کړي او پایلې اعلان کړي.
د افغانستان د ټاکنو خپلواک کمېسون ویلي چې د راییو د تفتیش او بیا شمېرنې بهیر به د دې اونۍ تر پایه بشپړ کړي او راتلونکې اونۍ به د ټاکنو ابتدايي پایلې اعلان کړي.
د ناټو سر منشي داسې مهال به افغان ټاکنو کې د نه مداخلې خبره کوي، چې ځینې ټاکنیزې ډلې او سیاسي اشخاصو تل په دې ټینګار کړی چې په ټاکنو کې باید بهرنیان مداخلې ونکړي.
سپوږمۍ پوپلزۍ

Share this page to Telegram

Comments