د لوبیا له ګټو ځان خبر کړې

comments 0

0 Views

لوبیا د نړۍ په سطحه پیژندل شوې خوراکي دانې دي چې تقریباد هر انسان د خوښې وړ خوراک ده.
د لوبیا دانه په ۱۵۳۳ کال کې د مکسیکو په هیواد کې پیدا او د «ایاکوک» په نوم ونومول شوه چې وروسته اروپا ته او بیا د نړۍ ټولو برخو ته ورسیده.
لوبیا په خپل ترکیب کې ۲۲ سلنه پروتین لري او ۶۲ سلنه د (کربوهیدرات) په نامه نشایسته قند لري.
پر دې سربیره ۲ سلنه کلسیم هم له ځانه سره لري، ساینسپوهان وایي د ډیرو پروتینو له امله دا یوه قوي ترینه غذا ده او د بیوزله کورنیو لپاره د غوښې ځای نیسي.
په تازه لوبیا کې ګڼ ویټامینونه شتون لري چې له ډلې یې ویټامین بي، سي او ډي د یادولو دي.
لوبیا د روماتیزم، د وینې لوړ فشار او نورو ناروغیو لپاره مفید خوراک دي. خو که څوک په شکرې ناروغۍ اخته وي د لوبیا له خوراک دې ډډه وکړي .
هغه کسان چې چاغ وي یا یې وزن زیات وي باید لوبیا استعمال کړي ځکه چې لوبیا دانسان د وزن په کمولو کښې مرسته کوي .
روغتیا پوهان وایي؛ چې هره ورځ خوړو کې د لوبیا په شاملولو سره دانسان د بدن اضافي چربي ختمیدلای شي.
دا چې د لوبیا ډولونه کوم دي او کوم یو ډول یې ډیره ګټوره ده دا به بل ځل تشریح کړو

Share this page to Telegram

Comments