د خلاصون لار / سمیع الدین افغاني

comments 0

1 Views

وايي : کوږ بــار تر منزل نه رسیږي
په ظلم ، زور دا حالت نــــه جوړیږي
څو چې زورواک او ستمګر حاکم وي
دا د ظلمت تیارې هیڅ نــه ختمیږي
چیرته چې جهل، ظلم ، زور چلیږي
د جنګ لمبې هلته کــې نه سړیږي
چې په فریب ، دوکه ژوندون تیروي
د هغه ملک حالت نور نه بدلیږي
تر څو دا چور وي دا تالان دلته کې
دا بد حالات وطن کـــې نه سمیږي
څو چې زورواک او بل واکې وې دلته
قهر او غصه د خلکو نــــه کمیږي
ورورۍ یواځې د خلاصون لاره ده
په تربګنۍ کې ژوندون ښه نه تیریږي
که افغاني وطن کــــې سوله راغله
د جنګ لمن بـــه خاماخا ټــــولیږي

Share this page to Telegram

Comments