درواري شم / سمیع الدین افغاني

comments 0

0 Views

افغانانو لږ هوښیار شئ
په یو فکر په یو لار شئ

د غفلت خوب نه بیدارشئ
درواري شم لاس په کار شئ

غلیم تل بربادي غواړي
تل نفاق جدائي غواړي

ددې ملک خرابي غواړي
دوئ زمونږ نابودي غواړي

که بوډا دی که زلمی دی
چې د لوی افغان بچی دی

په میړانه کې زمری دی
ښه باتوردي میړنی دی

په یووالي کې بری دی
په نفاق موخوښ پردی دی

نور د سولې طرفدار شئ
چې دخپل وطن واکدار شئ

Share this page to Telegram

Comments