اورخاړی او روغتیایي ګټې یې

comments 0

0 Views

اور خاړی چې په انګرېزي کې ورته Purslane وایي علمي نوم یې((Portulaca oleracea دی.
اور خاړی د هرزه بوټو له جملې څخه دی چې د نړی په زیاتره هیوادونو کې پیدا کیږي. دغه نبات د پسرلي په اخرو او د مني په شروع کې عموماً زیات لیدل کیږي. په افغاستان کې یې زیاتره خلک د سبو (سابه) په څیر استعمالوي. دا نبات پخپل ترکیب کې ویټامن B, C, او E لري او همدارنګه مکنیزیم، کلسیم، پتاشیم او پرتین لري.
هغه څیړنې چې د تکساس په پوهنتون کې په نوموړي نبات شویدي، پایلې یې ښایي چې دا نبات د نورو سبزیجاتو او نباتو څخه د ۱۰ څخه تر ۱۰۰ چنده زیات ملاتونین (Melatonin) مواد لري او همدا رنګه یوه اندازه Omega-3 هم لري.
* ملاتونین هغه مواد دي چې په انسان کې د ویده کیدو او راویښیدو دوران کنترولوي.
دا سابه د یولړ ناروغیو په درملنه کې زیات رول لري لکه:
سر درد، د خیټې درد، د ادرارو په وخت کې درد، د اپنډکس ناروغیو لپاره، د پوستکي ناروغیو لپاره، د شکرې ناروغي ، تبه، د وزن په کمولوکې ګټه لري، د سرطاني ناروغیو درملنه کې، د مفصلونو درد او داسې نور.
اورخاړي پاڼې او تنې په مختلفو طریقو خوړل کیږي یعنې دې پاڼې او تنې د سبو په څیر پخیږي، په تازه ډول هم خوړل کیږي، ځینې خلک یې وچوي او بیا ورڅخه استفاده کوي، همدا ډول په غوړیو کې سورکول.

Share this page to Telegram

Comments