ارزګان کې د افغان ځواکونو په هوایي برید کې ۲۷ طالب وسله والو ته مرګ ژوبله اوښتې ده

comments 0

0 Views

هندوکش – ارزګان: د افغان امنیتي ځواکونو په پرله پسې هوایې بریدونو کې د ارزګان اړونده ولسوالیو کې ۲۷ تنه طالب وسله والو ته مرګ ژوبله اوښتې ده.
د ۲۰۵ اتل قول اردو ویاند یحیی علوي وایي، تېره ورځ د موثقو مالوماتو پر اساس د خاص ارزګان ولسوالۍ په مرکز کي د افغان هوایي ځواکونو برید کي ۱۴ تنه وسلوال طالبان وژل شوي او ۱۱ تنه نور ټپیان شوي دي.
د نوموړي په وینا، دغو عملیاتو کې ۱۱ موټرسایکلونه او یو شمېر مهمات یې هم له منځه وړل شوي دي.
په ورته وخت کی نوموړي زیاته کړه، چي د مرکز ترینکوټ لویدیځ ته یکلینګه سیمه کي په یوه بل هوایي برید کې ۲ نور طالب جنګیالي وژل شوي او دوه نور ټپیان دي.
یاده دې وي چې د افغان امنیتي ځواکونو په هوایې بریدونو کې تردې دمه ډیرې وسله وال طالبان د هیواد په ګوټ ګوټ کې یا وژل شوي یا هم ټپیان شوي دي.
تردې دمه طالب وسله والې ډلې موضوع په اړه څه نه دي ویلي
عبدالله اڅکزۍ

Share this page to Telegram

Comments

Leave a Reply