کشته شدن یک مربان تاجیک در درگیری با قاچاقچیان

comments 0

2 Views

هندوکش _ تاجیکستان: مقام های تاجیکستان از جان باختن یک مرزبان تاجکستان در زد و خورد با قاچاقچیان مواد مخدر در مرز افغانستان خبر می دهند.
یک مقام ادارۀ امنیتی تاجیکستان دیروز گفت، این سرباز در جریان عملیات نیروهای مرزی این کشور به هدف جستجوی یک چوپان تاجیکی، کشته شده ‌است.
یک مقام امنیتی تاجکستان که نخواست نامش افشأ شود به خبرگزاری فرانس پرس گفته است که، این چوپان 42 ساله از سه روز به اینسو، در این مناطق ناپدید شده و احتمال دارد که اختطاف شده باشد.
زد و خوردها میان نیروهای سرحدی تاجکستان و قاچاقبران مواد مخدر در نزدیکی مرز میان تاجیکستان و افغانستان تقریباً همیشه صورت می‌گیرد، اما تاجیکستان از تلفات نیروهای امنیتی خود، به ندرت خبر می‌دهد.
گفتنی است که افغانستان و تاجکستان 1344 کیلومتر باهم مرز مشترک دارند.
عاطفه مصمم

Share this page to Telegram

Comments