ارگ ریاست جمهوری به گفته داکتر عبدالله واکنش نشان داد

comments 0

2 Views

هندوکش –کابل : سخنگوی رییس‌جمهور در واکنش به گفته‌های عبدالله عبدالله، رییس اجرایی حکومت و از نامزدان انتخابات ریاست جمهوری می‌گوید: “اشرف غنی، در حالی ‌که نامزد ریاست جمهوری است، رئیس جمهور بر حال افغانستان نیز می‌باشد و بربنیاد قوانین نافذ‌ کشور، صلاحیت‌هایش را در بخش‌های اجرایی، قضایی و تقنینی اعمال می‌کند”.

صدیق صدیقی دیروز در توییتراش با رد ادعای عبدالله گفته است: تمامی اجراات حکومتی، در روشنایی قانون اساسی و سایر قوانین نافذ انجام شده است.

او افزوده است: “جمهور غنی، همان‌گونه که خود متعهد به عدم مداخله در امور انتخابات و عدم استفاده از امکانات و صلاحیت‌های دولتی است، از سایر نامزدهای ریاست جمهوری نیز می‌خواهد تا به قانون اساسی کشور احترام قایل شوند و مانع تطبیق قانون و احکام حکومتی نشوند.”

سپوژمی پوپلزی

Share this page to Telegram

Comments